Personal pronouns part 8

 Personal pronouns part 8

Personal pronouns/ፐርሰናል ፕሮናውን/ ሰብአዊ ወይም አካላዊ የስም ተለዋጮች

 

ሰላም ጤና ይስጥልኝ ከአውደ ጥናት ነው፤ በዛሬው የእንግሊዘኛ ቋንቋ ትምህርታችን ስለ personal pronouns/ፐርሰናል ፕሮናውንስ ነው የምንማረው። ባለፈው እንደመግቢያ እንዳየነው pronounse/ፕሮናውንስ ብዙ ዓይነት እንደሆኑ፤ ከብዙዎቹ መካከልም አንድዱ “ፐርሰናል ፕሮናውን/personal pronoun” የሚባለው እንደሆነና “ፐርሰናል ፕሮናውንስ” ራሳቸው በ3 እንደሚከፈሉ። ተነጋግረን ነበር።

ስለዚህ ዛሬ ስለ ሦስቱ የስም ተለዋጭ/personal pronouns ዓይነቶች በምሳሌ እናያለን እንከታተል። ሰብስክራይብ እና ሽር ማድረግን አትርሱ።

ልዑል አምላክ ማስተዋሉን ያድለን

ከአውደ ጥናት ዘእንግሊዘኛ

መጻሕፍት ከአማዞን ለመግዛት የሚከተለውን ራሱ መጽሐፉን ይጫኑ ወይም በ+1 703 254 6601 ይደውሉ በአድራሻዎ ይላክለዎታል።

 

ባለፈው ባጭሩ እንደጠቀስኩት Personal Pronouns/ፐርሰናል ፕሮናውንስ በ3 ዐበይት ክፍሎች ይከፈላሉ፤ እነሱም

1.   Subjective/ስብጀክቲብ (ባለቤት የሚሆኑ)

2.   Objective/ኦብጀክቲቭ(ተሳቢ የሚሆኑ) እና

3.   Possessive pronouns/ፖሰሲብ (ባለቤትነትን አመልካች) ፕሮናውንስ የሚባሉት ሲሆኑ Subjective/ሰብጀክቲቭ የዐ/ነገር ባለቤት፣ Objective/ኦብጀክቲቭ ተሳቢ፣ Possessive/ፖሰሲብ ደግሞ ባለቤትነትን የሚጠቁም ወይም የሚያመለክቱ ተውላጠ ስሞች ናቸው።

 

ከዚህ በታች ባሉት 4 የአማርኛ እና የእንግሊዘኛ ዐረፍተ ነገራት ሦስቱን የስም ተለዋጮችና እንዴት ዓይነት አገልግሎትን እንደሚሰቱ እንመለከታለን ተከታተሉ። በተጓዳኝም ስለ ዐረፍተ ነገራቱ መዋቅር እና ስለ እያንዳንዱ ቃል የሥራ ድርሻ ባጭሩ እንዳስሳለን።

 

በመጀመሪያ በአማርኛችን ግልጽ እንዲሆንልን የአማርኛውን ዐ/ነገራት አንድ በአንድ አስረዳና ወደ እንግሊዘኛው አልፋለሁ። በቀይ በተጻፉት ወይም ቀስቱ የተመለከተባቸውን ቃላት ላይ የበለጠ አትኩሮት ስጡ።

 

ምሳሌዎቹ የሚናገሩት ስላለፈ ጊዜ ነው፤ ትምህርታችን ግን የሚያተኩረው ስለ ጊዜው ሳይሆን ስለ ዐረፍተ ነገር ባለቤቶች እና ተሳቢዎች ነው። ማለትም “ፐርሰናል ፕሮናውንስ” ስለሚባሉት አርእስት ነው።

በተሰጡት 4 ዐ/ነገራት ውስጥ ሰብጀክቲብ/Subjective፤ኦብጀክቲብ/ Objective እና ፖሰሲቭ/Possessive ፕሮናውንስ/Pronouns የሚባሉት አገባቦች ይገኛሉ። ይህ ማለት ሦስቱም የስም ተለዋጭ ዓይነቶች ወይም ፕሮናውንስ ይገኙበታል ማለት ነው።

 

በመጀመሪያው ዐ/ነገር “እኔ” እና “አቤል” የሚባሉት ሁለት ቃላት ናቸው የሚፈለጉት። “እኔ” የሚለው የስም ተለዋጭ ሲሆን በዚህ ዐ/ነገር ውስጥ የዐረፍተ ነገሩ ባለቤት ወይም ሥራውን የሠራው አካል ነው። በእንግሊዘኛው “ሰብጀክቲቭ ፕሮናውን/Subjective Pronoun” ይባላል። ባለቤታዊ የስም ተለዋጭ ማለት ነው። ወይም በዐረፍተ ነገሩ ውስጥ በባለቤትነት የተጠቀሰውን ሰው ወይም አካል ተክቶ የሚሠራ የስም ተለዋጭ ነው።

“አቤል” የሚለው ቃል ግን የስም ተለዋጭ ሳይሆን ራሱ የሰው ስም ነው። የሥራ ድርሻውም ተሳቢ “ኦብጀክት” መሆን ነው። ስለዚህ በስም ተለዋጭ ሲተካ “እሱን” ማለት ይሆናል፤ በሁለተኛው ዐ/ነገር ላይ ተጠቅሷል። “ሰብጀክቲቭ ፕሮናውን” “who/ማን”? የሚለውን ጥያቄ የሚመልስ የስም ተለዋጭ ነው።

 

በሁለተኛው ዐ/ነገር “እኔ” እና “እሱን” የሚባሉት ሁለት ቃላት ናቸው የሚፈለጉት። “እኔ” የሚለው የስም ተለዋጭ ሲሆን በዚህ ዐ/ነገር ውስጥ የዐረፍተ ነገሩ ባለቤት ወይም ሥራውን የሠራው አካል ነው። በእንግሊዘኛው “ሰብጀክቲቭ ፕሮናውን/Subjective pronoun” ይባላል ባለቤታዊ የስም ተለዋጭ ማለት ነው።

“እሱ” የሚለው ቃል ከላይ “አቤል” ብለን የጠቀስነው “ኦብጀክቲቭ ናውን/Objective” “እሱን” በሚለው የስም ተለዋጭ ተተክቷል። ይህም “ኦብጀክቲቭ ፕሮናውን/Objective” የሚባለው ነው። ኦብጀክቲብ ፕሮናውንስ “ምንን whom”? የሚለውን ጥያቄ የሚመልስ ነው።

 

በሦስተኛው ዐ/ነገር “የእኔ” የሚለው ቃል ብቻ ነው በዚህ ትምህርታችን የሚፈለገው። ይህ ባለቤትነትን የሚያመለክት የስም ተለዋጭ ወይም ፖሰሲብ ፕሮናውን ይባላል። ምክንያቱም መጽሐፉ የእኔ መሆኑን የሚገልጽ ወይም የሚናገር ስለሆነ ነው። ይህም “የማን/whose” ? የሚለውን ጥያቄ የሚመልስ  አመልካች ነው።

 

በአራተኛው ዐ/ነገር “የእኔ” የሚለው ቃል ብቻ ነው በዚህ ትምህርታችን የሚፈለገው። ይህ የስም ተለዋጭ እንደ ሦስተኛው የስም ተለዋጭ ባለቤትነትን የሚያመለክት ሲሆን ሁለቱ የሚለዩት የሚመለከተውን ወይም በዚህ ዐረፍተ ነገር “መጽሐፍ” የሚለውን ንብረት ከፊት ለፊታቸው ወይም ከኋላቸው በማስቀመጥ ነው።

 

ስለዚህ 3ኛው የስም ተለዋጭ  “ፖሰሲብ አድጀክቲቭ/Possessive Adjective” ይባላል (ቅጽላዊ አመልካች ማለት ነው)

 

በ4ኛው ዐ/ነገር የሚገኘው የስም ተለዋጭ ደግሞ “ፖሰሲብ ፕሮናውን/Possessive Pronoun”(ባለቤታዊ አመልካች) ይባላል። ወደፊት የሁለቱን ልዩነት በሰፊው እንማራለን።

 

ዐረፍተ ነገራቱን እናንብ ።

1.   እኔ  ትላንት አቤልን ዐየሁት

2.   እኔ  ትላንት እሱን ዐየሁት

3.   ይህ የእኔ መጽሐፍ ነው

4.   ይህ መጽሐፍ የእኔ ነው

 

·         I saw Abel yesterday

አይ ሳው(ሳ) አቤል የስተርደይ

እኔ አቤልን ትናንት አየሁት

·         I saw him yesterday

አይ ሳው ሒም የስተርደይ

እኔ እሱን ትላንት አየሁት

·         This is my book

ዚስ ኢዝ ምይ ቡክ

ይህ የእኔ መጽሐፍ ነው

·         This book is mine

ዚስ ቡክ ኢዝ ማይን

ይህ መጽሐፍ የእኔ ነው

Read on you phone this English E book

መጽሐፉ አካላዊ ሳይሆን በስልክ ወይም በሌላ ኤሌክትሮኒስ መሳሪያ የሚነበብ (ኪንድል ቡክ ነው) በዓለም አቀፍ ደረጃ በአንደኝነት አልፈው ሽልማትን ያስገኙ የእንግሊዘኛ ግጥሞቼ ናቸው

ቃላት/wors

Subject/Subjective = ርዕስ፣ ርዕሰ ጉዳይ (በዚህ ትምህርታችን የዐረፍተ ነገር ባለቤት)

Object/Objective = ነገር፣ አካል፣ (በዚህ ትምህርታችን ተሳቢ)

Possessive = የባለቤት አመልካች (ንብረትን እና ባለ ንብረትን የሚያመለክት)

To see – saw = ማየት፣ ሃላፊ ጊዜ(አየሁ)

1ኛ መደብ/አካል = First person(s)

2ኛ መደብ/አካል = second person(s)

3ኛ መደቦች/አካል = Third Person(s)

 

ለዛሬው ከዚህ ላይ ይበቃናል

 

ልዑል አምላክ ማስተዋሉን ያድለን

ከአውደ ጥናት ዘእንግሊዘኛ

ምዝገባ

ሰላም ለክሙ አርድእተ የ2021/2013 ዓ/ም የልሣነ ግእዝ ትምህርት ዓመታዊ ምዝገባ ተጀመረ!

ሰላም ለክሙ አርድእተ የ2021/2013 ዓ/ም የልሣነ ግእዝ ትምህርት ዓመታዊ ምዝገባ ተጀመረ!

ከአፍሪካ ተማሪዎች በስተቀር ከያንዳንዱ ተማሪ $15፤ ከአፍሪካ ተማሪዎች 250 ብር በኦረሚያ ክልል በግፍ ለተገደሉ ኢትዮጵያውያ ቤተሰዎችና ንበረታቸው ለወደመ ወገኖች በርዳታ ይሰጣል።

መጻሕፍት ከአማዞን ለመግዛት የሚከተለውን ራሱ መጽሐፉን ይጫኑ ወይም በ+1 703 254 6601 ይደውሉ በአድራሻዎ ይላክለዎታል።

ቢፅ ሐሳዊ/Deceiver Friend

 ቢፅ ሐሳዊ/Deceiver Friend

ቢፅ ሐሳዊ

ሰላም ጤና ይስጥልኝ ከአውደ ጥናት ነው ዛሬ ቃላትን እና ኃረጋትን ወይም ዐረፍተ ነገራትን በምናብራራበት ዝግጅት የምናየው “ቢፅ ሐሣዊ” የሚለውን ኃረግ ነው። ኃረግ የሚባለው እንደምታውቁት ከአንድ በላይ ቃላትን የያዘ ነው። በመሆኑም “ቢፅ ሐሳዊ” የሚለው ሐረግ ሁለት ቃላትን ይዟል፤ ሁለቱም ቃላት ቅጽሎች ናቸው። በትርጉም ግን ሁለቱ የተለያዩ ናቸው። ቢፅ ሐሳዊ የሚለው ኀረግ

·         ምን ማለት ነው?

·         በዚህ ስም የሚጠራው ማነው ወይም እነማናቸው?

·         ይህ ስም በብዛት የሚነገረው በየት ነው?

·         ለምንና በምን ምክንያትስ ይነገራል? የሚሉትን 4

ጥያቄዎችን እናያለን እንከታተል።

 መን ማለት ነው፡ ሁለቱንም ቃላት ለያይተን እናያለን።

ቢፅ = ማለት ጓደኛ፤ ወዳጅ፣ አብሮ አደግ ወዘተ ማለት ነው። የቃሉ ዓይነት ወይም ሥራ ደግሞ “ቅጽል” ወይም “ገላጭ” ይባላል።

ሐሳዊ = ማለት ውሸታም ፣ ሐሰተኛ ወይም በተቃራኒው የእውነተኛ ተቃራኒ ነው። የቃሉ ዓይነት ወይም ሥራ ደግሞ

“ቅጽል” ወይም “ገላጭ” ንው። ስለዚህ በአንድ ላይ “ቢፅ ሐሳዊ” ማለት ሐሰተኛ ጓደኛ፤ ሐሰተኛ ወዳጅ፣ ማለት ሲሆን  “ቢፅ” የተባለበት ምክንያት “ወዳጅ ወይም ጓደኛ መስሎ” ስለሚቀርብ ሲሆን “ ሐሳዊ” የተባለበት ምክንያት ደግሞ ጓደኝነቱ የውሽትና በማስመሰል ላይ የተመሠረተ ስለሆነ ነው።

·         በዚህ ስም የሚጠራው ማነው ወይም እነማናቸው? ሐገርን፣ ቤተ ክርስቲያንንና ግለሰብንም ሊሆን ይችላል በድብቅ አሳልፈው የሚሰጡ፤ ወይም በሐገር፤ በቤተ ክርስቲያንና በያንዳንዱ ግለሰብ ሕይወት ላይ የውስጥ ለውስጥ ጥፋትን  የሚያዘጋጁ ክፉ ሰዎች ናቸው። ለምሳሌ “ይሁዳ” አምላኩን

እና መምህሩን ወዳጅ ናፋቂ አክባሪም መስሎ በመሳም ነበር አሳልፎ ለሮማ ጨካኝ ወታደሮች በ30 ብር የሸጠው።

·         ይህ ስም በብዛት የሚነገረው በየት ነው?

ይህ ኀረገ ቃል የሚነገረው በብዛት በቤተ ክርስቲያን እና በሐገር ታሪክ ጋር ተያይዞ ነው።

 

ለምንና በምን ምክንያትስ ይነገራል?

በቤተ ክርስቲያን ታሪክ  አማኝ ወይም ኦርቶዶክሳዊ መስለው

·         በቤተ ክርስቲያን ስም እየኖሩ፤

·         ቤተክርስቲያን አገልጋይ አድርጋ

·         ሹማቸው ውስጥ ውስጡን ግን

·         ከመናፍቃን ጋር ተስማምተው

·         የቤተ ክርስቲያንን መዋቅር ለማፍረስ የሚጥሩ፤

·         ተከታዮቿን ወደ መናፍቃን የሚወስዱ ናቸው።

በሐገር ታሪክም እንደዚሁ ለአገራቸው ታማኝ መስለው በሥልጣን ላይ ለመቆየት ወይም ሥልጣን ለማግኘት ሲሉ

·         የሐገራቸውን ምሥጢር በማውጣት ለጠላት በመስጠት፤

·         የሐገሪቱ የጦር ኃይል እንዲዳከም ብሎም

·         በጠላት እንዲማረክ ውስጥ ውስጡን የሚሠሩ ናቸው። ታዲያ እነዚህ ሰዎች ወይም ቢፅ ሐሳዊ 

አብያፅ ሐሳውያን ብንላቸውም እንችላለን ባማርኛ “ሐሰተኛ ወዳጆች” በጣም አደገኛ የቤተ ክርስቲያን እና የሐገር ጠላቶች ናቸው።

 ምክንያቱም እውነተኛ ወዳጅ ለሐገርም ሆነ ለቤተ ክርስቲያን የታመኑ መስለው በድብቅ ስለሚሰሩ ነው።

መጻሕፍት ለመግዛት የሚከተለውን ራሱ መጽሐፉን ይጫኑ ወይም በ+1 703 254 6601 ይደውሉ

 

 

 

የአውደ ጥናት ዘግእዝ ልዩ አባል ይሁኑ

 

ሰላም ጤና ይስጥልኝ ከአውደ ጥናት ዘግእዝ ነው

 መጻሕፍት ለመግዛት ይህንን ይጫኑ 

ወይም በ +1 703 254 6601 ይደውሉ

ምን አልባት “አውደ ጥናትን እና አውደ ጥናት ዘግእዝን ” የማታውቁ ካላችሁ ትንሽ ላስተዋውቃችሁ እወዳለሁ። ከስያሜው ለመነሳት ያህል “አውደ ጥናት” ማለት የጥናት፣ የትምህርት ወይም ባጭሩ የምርምር ማዕከል ማለት ነው።

  “አውደ ጥናት ዘግእዝ ማለት” ደግሞ የግእዝ ቋንቋ ትምህርትና ጠቅላላ ይዘት የሚጠናበት ማለት ሲሆን አውደ ጥናትም ሆነ አውደ ጥናት ዘግእዝ  በመላው ዓለም ለሚኖሩ ሁሉ  ቦታና ጊዜ የማይወስናቸው በመላው ዓለም የሚገኙ፤ በመላው ዓለም የሚገኙትን ማስተናገድ የሚችሉ “የዩቱብ ቻናሎች ወይም ድረገጾች” ሲሆኑ የትምህርትና የጥናት ማዕከላት ናቸው።

በአውደ ጥናትና በአውደ ጥናት ዘግእዝ

·        የአማርኛ

·        የግእዝ

·        የእንግሊዘኛ እንዲሁም ወደፊት

·        የግሪከኛ ቋንቋ ትምህርት በሰፊው ይሰጣል።

ባጠቃላይ በአውደ ጥናት እና በአውደ ጥናት ዘግእዝ በመንፈሳዊና በማሕበራዊም ሕይወት ዙሪያ ልዩ ልዩ መረጃዎችን እና የጥናት ጽሁፎችን ያገኛሉ።

 

 በተለይ ለኢትዮጵያውያን እና ለኢትዮጵያ ኦርቶዶክስ ተዋሕዶ ቤ/ክ ተከታዮች ወሳኝ የሆኑ ድረ-ገጾች ናቸው። የመጽሐፍ ቅዱስ ትምህርት፤ የዘወትር ጸሎት፤ የውዳሴ ማርያም፤ የመልክአ ማርያም እና መልክአ ኢየሱስ፤ የዶግማና የቀኖና የዘመናት አቆጣጠር ሌሎችም ልዩ ልዩ ትምህርቶችን ቀላል፣ ግልጽና ዘመናዊ በሆነ የማስተማር ዘዴ ከቤታችሁ ሳትወጡ፤ ከቤተሰባችሁ ሳትለዩ በያላችሁበት ቦታ፤ በምትኖሩበት ዓለም ሁሉ በስልካችሁም ሆነ በኮምፕዩተራቸሁ ማለትም በማነኛውም ድጅታል መሣሪያ ጊዜና ቦታ ሳይወስናችሁ ጊዜያችሁን መርጣችሁ ልትማሩባቸው፤ ልጆቻችሁንም ልታስተምሩባቸው የምትችሉባቸው ድረገጾች ናቸው።

 

በአውደ ጥናት እና በአውደ ጥናት ዘግእዝ በሚተላለፉት ሁለ ገብ የእምነትና የሥነ ምግባር ትምህርቶች ራሳችሁን እና ልጆቻችሁን ማስተማርና ማነጽ ትችላላችሁ። በመሆኑም ዛሬውኑ ሰብስክራይብ በማድረግ የአውደ ጥናትና የአውደ ጥናት ዘግእዝ ተጠቃሚዎች መሆን ትችላላችሁ።

 

በተጨማሪም በአውደ ጥናት ዘግእዝና በአውደ ጥናት የሚሰጠው አገልግሎት ከማረካችሁና በተሻለ መልኩ አገልግሎቱን እንድያሳድግ የምትፈልጉ ከሆነም በበጎ ፈቃድ ልዩ አባል በመሆን መርዳት የምትፈልጉ ከሆነ መርዳት የምትችሉበት ዕድል በሚከተለው ዓይነት የሚገኝ መሆኑን ላስታውሳችሁ እወዳለሁ።

በአውደ ጥናት ዘግእዝ የሚከተሉት 4 የልዩ አባልነት ደረጃዎች ይገኛሉ፤ ክፍያቸውና ያላቸው ልዩ አገልግሎትም አብሮ ተጠቅሶ ይገኛል፤ የምትችሉትንና የምትፈልጉትን ደረጃ መምረጥ ትችላላችሁ።

 

1ኛ ደረጃ አባልነት በየወሩ $1፡99

2ኛ ደረጃ አባልነት በየወሩ $4፡99

3ኛ ደረጃ አባልነት በየወሩ $9፡99 እና

4ኛ ደረጃ አባልነት $19፡99 ይከፈላል ወይም ያስከፍላሉ።

 

በልዩ አባልነት የሚያገኙት ጥቅም ደግሞ እንደሚከተለው ይሆናል።

 

1.  አንደኛ ደረጃ አባላት በወር አንድ ጊዜ በመረጡት ርእስ የቀጥታ ስርጭት ትምህርት ወይም ውይይት ይደረግላቸዋል፤

2.  ሁለተኛ ደረጃ አባላት በወር አንድ ጊዜ በመረጡ ርእስ የቀጥታ ስርጭት ትምህርት ወይም ውይይት ይደረግላቸዋል። በተጨማሪም ከአውደ ጥናት ከሚገዧቸው ነገሮች (ብዙ ጊዜ መጻሕፍት) 25% ቅናሽ ያገኛሉ።

3.  ሦስተኛ ደረጃ አባላት በወር ሁለት ጊዜ የግእዝ ቋንቋ ተከታታይ ትምህርት በቀጥታ ስርጭት ይሰጣቸዋል። 25% ቅናሽም ያገኛሉ።

4.  አራተኛ ደረጃ አባላት በክፍያ በተከታታይ በዋትስአፕ ከሚሰጠው ተከታታይ የአንድ ዓመት የግእዝ ቋንቋ ትምህርት ገብተው መማር ይችላሉ። እንዲሁም 25% ቅናሺም ያገኛሉ።

 

ከዚህ ሌላ ሁሉም አባላት የተለየ መታወቂያ ይኖራቸዋል። ማለትም አስተያየት በሚሰጡ ጊዜ የተለየ እና ከሌላው አባል ካልሆነው ሰው ይልቅ በዩቱብ ቻናል ተሳትፏቸው ጎልተው እንዲታዩ የሚያደርግ ድጅታል አርማ ወይም መታወቂያ ይኖራቸዋል። ልዩነታቸው የሚታወቀው ማለትም አርማቸው የሚታየው አስተያየት ሲሰጡ ወይም ጥያቄ ሲያቅርቡ ነው።

 

በመሆኑም የአውደ ጥናት ዘግእዝ ልዩ አባል ለመሆን ሲወስኑ ቀጥታ ወደ አውደ ጥናት ዘግእዝ ቻናል ሲገቡ “Join” የሚል ምልክት ያገኛሉ እሱ ይጫኑ፤ ከገቡ በኋላ ማብራርያውን ወይም መመሪያውን ይከታተሉ። አመሰግናለሁ።

 ቪድዮውን ለመስማት ይህንን ይጫኑ

https://youtu.be/u3LKldvGvCc

ልዑል አምላክ ማስተዋሉን ያድለን

ከአውደ ጥናት ዘግእዝ

Pronouns/ተውላጠ አስማት

 Pronous - ተውላጠ አስማት     

                       

ሰላም ጤና ይስጥልኝ ከአውደ ጥናት ነው፤

መጻሕፍት ለመግዛት ከዚህ በታች ያሉትን መጻሕፍቱን ይጫኑ ወይም በ +1 703 254 6601 ደውሉ 

በዛሬው በክፍል 7 የእንግሊዘኛ ቋንቋ ትምህርታችን የምንማረው ከ8ቱ የንግግር ክፍሎች በሁለተኛ ደረጃ የጠቀስነውን Pronoun/ፕሮናውን የተባለውን ርእስ ነው።  Pronouns/ፕሮናውንስ የሚባሉት በጣም ብዙ ዓይነት ናቸው እኛ ግና ለጊዜው የተወሰኑትን ብቻ ነው የምንማረው። በመጀመሪያ

 

·         Pronoun/ፕሮ ናውን ማለት ምን ማለት ነው?

·         የፕሮናውን ሥራ ምንድ ነው?

·         ፕሮ ናውን ስንት ዓይነት ነው?

 

የሚሉትን ሦስት መሠረታውያን ጥያቄዎች ከመለስን በኋላ Pronouns/ፕሮ ናውንስ በተግባር በዐረፍተ ነገር ሲገቡ ምን እንደሚመስሉ አንድ በአንድ እንማራለን። መልካም ትምህርት።

 

Pronoun/ፕሮናውን ምን ማለት ነው፡ (ስያሜን የሚመለከት ማብራርያ)

Pronoun: A word that replaces a noun in a sentences or takes the place of noun in a sentence. = ፕሮ ናውን የሚባለው በዐረፍተ ነገር ውስጥ ስምን ተክቶ የሚገባ ወይም የስምን ቦታ የሚይዝ ነው

 

ባለፈው በክፍል 6 ትምህርታችን Noun/“ናውን” ማለት “ስም” ማለት እንደሆነና የተለያዩ የስም ዓይነቶችን በመጥቀስ ተምረን ነበር።

ስለዚህ የዛሬው ደግሞ Pro/“ፕሮ” የሚለውን Prefix/ “ፕሪፊሽ” ከማስቀድሙ በስተቀር Noun/“ናውን” የሚለው ስያሜ አይቀየርም፤ Pro/ፕሮ የሚለው ተቀጽላ ስላለ ግን ለየት ያለ ማብራርያን እሰጣለሁ ።

 

·         Pro/ፕሮ = ምትክ/ፈንታ

·         Noun/ናውን = ስም

·         ስለዚህ በአንድ ላይ Pronoun/“ፕሮ ናውን” ወይም በብዙ Pronouns/“ፕሮናውንስ” = በስም ፈንታ ወይም ምትክ ማለት ይሆናል።  በግእዝ “ተውላጠ ስም” በአማርኛ “የስም ተለዋጮች” የሚባሉት ሲሆኑ  ስምን ወይም ስሞችን ተክተው የሚገቡ ናቸው። በእንግሊዘኛው “in place of noun” ማለት ነው። ይህም ማለት በስም ምትክ ማለት ነው።(በስም ምትክ የሚገቡ ለማለት ነው)

 

 

የፕሮ ናውንስ ሥራ ምንድነው? (የሚሠጡትን አገልግሎት የሚመለከት)

 

ፕሮናውንስ ሥራቸው በስም ምትክ መግባትና ስም የሚሠራውን መሥራት ነው። (The word that replaces noun in sentence is called “pronoun”) በዐረፍተ ነገር ውስጥ ስምን የሚተካ ቃል ፕሮናውን ይባላል። ስለዚህ ፕሮናውንን ወይም ተውላጠ ስሞችን መቸና እንዴት እንደ ምንጠቀም በሚከተሉት ምሳሌዎች እንመልከት።

 

ምሳሌ፡ በመጀመሪያ በአማርኛ እንዴት እንደምንጠቀምባቸው በትክክል ሊገባን ይገባል፤ ስለዚህ በመጀመሪያ በእንግሊዘኛ ዐረፍተ ነገር ከመሥራታችን በፊት በአማርኛ እናያለን።

·         አበራ ከአልማዝ ጋር ይሠራል

·         አበራ ከአልማዝ ጋር መሥራት ይወዳል

·         አበራ እና አልማዝ አብረው መሥራት ይወዳሉ። በነዚህ ሦስት ዐረፍተ ነገራት ሁለት ስሞች አሉ ስሞቹ 6 ጊዜ ተደጋግመው ተጠቅሰዋል። ስለዚህ የስሞች መደጋገም ደግሞ ንግግርን የማይማርክ  ወይም አሰልች ያደርጋል። በመሆኑም ድግግሞሺን ለማስቀረት “ተውላጠ ስሞችን” መጠቀም አለብን።

 

አበራ ከአልማዝ ጋር ይሠራል፤

እሱ ከእርሷ ጋር መሥራትን ይወዳል፤

እነሱ አብረው መሥራት ይወዳሉ።

አሁን የፕሮናውንን ወይም የስም ተለዋጮችን ሥራ አስተውሉ፤ አበራ ከአልማዝ ጋር ይሠራል ካልን በኋላ እንደ ገና ተመሳሳይ ስሞችን ከመደጋገም ማለትም “አበራ” በማለት ፈንታ “እሱ” “አልማዝ” በማለት ፈንታ “እርሷ”፣ አበራና አልማዝ በማለት ፈንታ “እነሱ” የሚባሉትን ተውላጠ አስማት ወይም የስም ተለዋጮች በመጠቀም 1ኛ ስማቸውን ከመደጋገምና አስልች ድግግሞሽ ከማድረግ ተቆጠብን፤ ሁለተኛ 4 ቃላትን (አበራና አልማዝን ሁለት ጊዜ) ከመጻፍ “እሱ” “እሷ” “እነሱ” በሚሉት ቃላት በማጠቃለል ወረቀትና ጊዜን መቆጠብ ቻልን ማለት ነው።

 

እነዚህ ሦስት ከላይ የሠራናቸው ዐረፍተ ነገራት በእንግሊዘኛ ደግሞ እንደሚከተለው ይቀመጣሉ።

·         Abera works with Almaz (አበራ ወርክስ ዊዝ አልማዝ)

·         Abera likes working with Almaz(አበራ ላይክስ ወርኪንግ ዊዝ አልማዝ)

·         Abera and Almaz like working together (አበራ ኤንድ አልማዝ ላይክ ወርኪንግ ትጌዘር)

 

አሁንም ከላይ በአማርኛው እንዳየነው በሦስቱም የእንግሊዘኛ ዐረፍተ ነገራት የተደጋገሙ ስሞች አሉ። ስለዚህ ዐረፍተ ነገሩ የማይስብና የሚያሰለች ድግግሞሽ እንዳይሆን “ተውላጠ ስሞችን/ፕሮናውንን እንጠቀማለን” ስለዚህ.

 

·         Abera works with Almaz.

·         He likes working with her.

·         They like working together.

 

በመሆኑም ተውላጠ ስሞችን የምንጠቀመው አንደኛ የስሞች ድግግሞሽን ለመቀነስና ዐረፍተ ነገሩን ማራኪ የማይሰለች ለማድረግ፤ ሁለተኛ ደግሞ ስም መጥራት የማንፈልግ ከሆነ ተውላጠ ስሞችን እንጠቀማለን። ተውላጠ ስሞችን በመጠቀም ወረቀትና ጊዜን መቆጠብ እንደምንችልም አትዘንጉ

 

ፕሮናውንስ ስንት ዓይነት ነው/ናቸው?(አከፋፈላቸውን የሚመለከት)

 

ከላይ ስጀምር እንደነገርኳችሁ pronouns/ፕሮናውንስ የሚባሉት ብዙ ዓይነት ናቸው ለምሳሌ

1.   Personal pronouns/ፐርሰናል ፕሮናውንስ

2.   Relative pronouns/ረለቲብ ፕሮናውንስ

3.   Reflexive pronouns/ረፍለክሲብ ፕሮናውንስ

4.   Interrogative pronouns/ኢንተሮጌቲብ ፕሮናውንስ

ወዘተርፈ ይገኙበታል።

 ለዛሬው የመጀመሪያውን “ፐርሰናል ፕሮናውን” የሚባለውን እንማራለን ማለት ነው።

 

Personal pronouns/ፐርሰናል ፕሮናውን/ ሰብአዊ ወይም አካላዊ የስም ተለዋጮች

ፐርሰናል ፕሮናውን “ፐርሰን” ማለት ሰው ወይም አካል ማለት ሲሆን “ፐርሰናል ፕሮናውን” የሚለው = ሰብአዊ ወይም አካላዊ ተውላጠስም ማለት ነው። ፐርሰናል ፕሮናውኖች ለሰዎች እና ለቤት እንሥሳት የምንጠቀምባቸው ናቸው። በሦስት አበይት ክፍሎች ይከፈላሉ። እነሱም የዐረፍተ ነገር ባለቤቶች፣ ተሳቢዎች፣ እና ባለቤትነትን የሚያመለክቱ ተውላጠ ስሞች ይባላሉ በእንግሊዘኛው እንደሚከተለው ይገለጻሉ።

·         Subjective pronouns/ባለቤት የሚሆኑ ተውላጠ ስሞች

·         Objective pronouns and /ተሳቢ የሚሆኑ ተውላጠ ስሞች እና

·         Possessive pronouns/ ባለቤትነትን የሚያመለክቱ ተውላጠ ስሞች

የሚባሉት ሲሆኑ በሚቀጥለው በክፍል 8 ትምህርታችን እያንዳንዳቸውን በተናጠል በምሳሌ እንመለከታለን።

Words in this video to be learned/ በዚህ ቪድዮ ውስጥ የሚገኙ መጠናት ያለባቸው ቃላት

·         Pronoun = የስም ተለዋጭ

·         Subject = ባለበት/የዐረፍተ ነገር ባለቤት

·         Object = ተሳቢ ወይም ተደራጊ

·         Possessive = አመልካች(ባለቤትነትን፤ባለንብረትነትን የሚያመለክት)

·         Person = ሰው/አካላዊ ሰው

·         Relative = ተዛማጅ/ዘመድ

·         Reflexive = መልሶ የሚያንጸባርቅ/ወደራሱ የሚያመለክት

·         Interrogative = መጠየቂያ/መመርመሪያ

·         To like = መውደድ

·         To work = መሥራት(ግስ)

·         Working =መሥራት(ስም ከ አር፣ ወይም ኢዝ ከሚባሉት ግሶች ጋር ግስ የሚሆንበትም ጊዜ አለ)

·         With = ጋር ወይም ጋራ/አብሮ..

·         He = እሱ

·         She = እሷ

·         Her = እሷን/የሷ..

·         They = እነሱ

ልዑል አምላክ ማስተዋሉን ያድለን

ከአውደ ጥናት ዘእንግሊዘኛ