የግእዝ ቃላት ለቅማችሁ አውጡ/Find the Ge'ez words

የግእዝ ቃላትን  ለቅማችሁ አውጡ/Find the Ge'ez words 

“ፍልሰታ ለማርያም” በሚለው እና “የግል ጸሎት” በሚለው ቪድዮዎች ውስጥ የሚገኙትን የግእዝ ቃላት ለቅማችሁ አውጡ፤ ለሚለው ጥያቄ መልስ እንደሚከተለው ይሆናል። ምን አልባት ያልተጠቀሱ ተጠማሪ ቃላት ካሉ ንገሩኝ።

“የግል ጸሎት” በሚለው ቪዲዮ ውስጥ የሚገኙት የግእዝ ቃላት የሚከተሉት ናቸው። (የአማርኛ ትርጉማቸውን በስተቀኝ ባለው ሰንጠርጅ ተመልከቱ።

የግእዝ ቃላት	አማርኛ ትርጉማቸው	ማብራርያ
ስም	በቁሙ ስም(መጠሪያ)	በግእዝም በአማርኛም ስም ይባላል (በቁሙ ማለት አይቀየርም ማለት ነው)
ደቂቀ ሰላም	የሰላም ልጆች	ሰላም በቁሙ ሰላም ይባላል ትክክለኛው ግን መረጋጋት፤የመንፈስ ጸጥታ ማግኘት ወዘተ ማለት ነው
ሰላም	የመንፈስ/የውስጥ ጸጥታና መረጋጋት ተቃራኒው ብጥብጥ/ጸብ ወዘተ ነው
ፍቅር
አርድእተ ክርስቶስ	የክርስቶስ ደቀመዛሙርት/ተማሪዎች
አንትሙ	እናንተ ለወንዶች
ትግሁ	ትጉ (ለብዙ ወንዶች ለቅርቦቹ)
እስከ ይትፌጸም ተስፋሁ	ተስፋው እስከ ሚፈጸም
ሰላም ለክሙ	ሰላም ለናንተ ይሁን
በስመ አብ	በአብ ስም
እም አውደ ጥናት ዘግእዝ	ከግእዝ መማሪያ ከሆነችው ከአውደ ጥናት	አውድ አደባባይ/ መሰብሰቢያ ቦታ፤ ትምህርት መማርያ ወዘተ ይሆናል፤ ጥናት አማርኛ ነው
አብ	አባት	ከሦስቱ አካላት አንዱ እግዚአብሔር አብ
ወወልድ	በወልድም ስም
ወልድ	ልጅ	ከሦስት አካላት አንዱ እግዚአብሔር ወልድ
ወመንፈስ ቅዱስ	በመንፈስ ቅዱስም ስም
መንፈስ	ረቂቅ የማይጨበጥ የማይዳሰስ(የቃሉ ትርጉም ብቻ)	ከሦስቱ አካላት አንዱ እግዚአብሔር መንፈስ ቅዱስ
ወ	ም (ደቂቅ አገባብ)
ቅድመ ዓለም	ከዓለም በፊት
ማዕከለ ዓለም	በዓለም መካከል
ቅድም	መጀመሪያ/በፊት
ዓለም	ፍጥረት
ቅዱስ	ንጹህ፤ልዩ
ቅዱሳን	ቅዱስ የሚለው ሲበዛ ቅዱሳን ይሆናል (ለወንዶች)
ቅድስተ ቅዱሳን	ንጹህ፤ልዩ፤ ከሆኑት ይልቅ የነጻች፤የተለየች፤የከበረች
ቅድስት	ቅዱስ ለወንድ ሲሆን ቅድስት ለሴት ነው
ጸጋ	ሥጦታ (ነጻ የሆነ ከአምላክ የሚሰጥ ስጦታ)
ፍቅር	መውደድ	በአማርኛም ፍቅር ይባላል ትክክለኛው አማርኛ ግን መውደድ ነው
ትእግሥት	መቻል	በአማርኛም ትእግሥት ይባላል ትክክለኛው አማርኛ ግን መቻል ነው
ሞተ ነፍስ	የነፍስ ሞት
ዘልዓለማዊ	የሁል ጊዜ/የዘላለም(የማያልፍ)
ኃጢአት	በደል/ወንጀል	በአማርኛም ኃጢአት ይባላል ግን ትክክለኛው አማርኛ ወንጀል ነው
ንስሐ	ጸጸት	በአማርኛም በቁሙ ንስሐ ይባላል ግን ትክክለኛው አማርኛ ጸጸት ነው

“ፍልሰታ ለማርያም ወላዲተ አምላክ” በሚለው ቪዲዮ ውስጥ የሚገኙ የግእዝ ቃላት

የግል ጸሎት በሚለው ውስጥ የተጠቀሱትን ቃላት ድጋሚ ትርጉማቸውን ማስቀመጥ ስለማያስፈልግ አልፋቸዋለሁ።

የግእዝ ቃላት	አማርኛ ትርጉማቸው	ማብራርያ
በስመ አብ ወወልድ ወመንፈስ ቅዱስ አሐዱ አምላክ
እግዚአብሔር (እግዚእ፤ አብ፤ ብሔር) ወይም “እግዚእ ብሔር	እግዚእ ጌታ፤ አብ አባት፤ብሔር አገር፤ ወይም ፍጥረት
ፈጣሪ	በቁሙ መፍጠር ከዜሮ ተነስቶ መፍጠር	ፈጣሪ የሚባለው እግዚአብሔር ብቻ ነው
ፍጡር	የተፈጠረ የተሰራ	በእግዚአብሔር የተፈጠረው ሁሉ ከእግዚአብሔር በስተቀር ሁሉም ፍጡር ይባላል
እምነት	በቁሙ ማመን
ጾም	በታቀብ፤ዝም ማለት፤ ከምግብ መከልከል
ትንሣኤ	መነሣት
እርገት	ወደላይ መውጣት
ትንሣኤሃ	መነሣቷ
እርገታ	ማረጓ ወይም ወደላይ መውጣቷ
ፍልሰታ	መፍለሷ/ከቦታ ቦታ መዘዋወሯ
ፍልሰት	መሰደድ/ከቦታ ቦታ መዘዋወር
ፈለሰ	ተሰደደ (ግሥ)
ፍልሰታ ለማርያም	የማርያም ከቦታ ቦታ መሰደድ (የቅዱስ ሥጋዋ ዝውውር)
ቅድስት
ቅድመ ክርስቶስ	ከክርስቶስ በፊት(ዘመነ ፍዳ)
ዓመተ ምሕረት	የምሕረት ዘመን/ዓመት(ዘመነ ይቅርታ)
ብሔረ ሕያዋን	የሕያዋን(ያልሞቱ ፍጡራን ወይም ሰዎች) አገር
ብሔር	ሐገር/ቦታ
ሕያዋን	ያልሞቱ (በሞተ ሥጋ ያልተለዩ)
ወስብሐት ለእግዚአብሔር	ለእግዚአብሔርም ምስጋና ይገባል
ስብሐት	ምስጋና
ተግሣጽ	ምክር
ቅድስና	ከፍ ከፍ ማለት/ልዩ ንፁህ መሆን
ራብዕ	አራተኛ
ድንግል	ጥብቅ/እንደ ተፈጠረች ወይም እንደ ተፈጠረ ያለ
ወላዲተ አምላክ	የአምላክ እናት/ወላጅ/የወለደች
ወላዲት	የወለደች
አምላክ	እግዚአብሔር/ፈጣሪ
ቅድስተ ቅዱሳን

ከአውደ ጥናት ዘግእዝ

በመም/ር መላኩ አስማማው

8ቱ የንግግር ክፍሎች በአንድ ዐ/ነገር/The 8 Parts of speech in One Sentences

8ቱ የንግግር ክፍሎች በአንድ ዐ/ነገር/The 8 Parts of speech in One Sentences

ሰላም ለክሙ አርድእተ ልሣነ ግእዝ፣ ጤና ይስጥልኝ ከአውደ ጥናት ነው። ክፍል 14 የግእዝ ትምህርታችንን እንቀጥላለን  ወደ ትምህርቱ ከመግባቴ በፊት የሚከተሉትን ማሳሰቢያዎች እነግራችኋለሁ።

1.      “ልሣነ ግእዝ የጋራ ቋንቋችን” የተሰኘውን የግእዝ መማርያ መጽሐፍና “ከመጽሐፍ ቅዱስ ጋር ይተዋወቁ” የሚባለውን የ8ዱ ቅዱሳት መጻሕፍት ማጥኛ መጽሐፍ ወደ ኢትዮጵያ እንዲላክላችሁ የምትፈልጉ ሰዎች ተመዝገቡ። በዚህ ስልክ በመደወል ስምና ስልክ ቁጥር ስጡ። 703 254 6601

2.     ከአማዞን ላይ መግዛት የምትፈልጉ ቶሎ ግዙ ምክንያቱም 1ኛ ትምህርቱ እያለፋችሁ ነው። ሁለተኛ ደግሞ ዋጋው ይጨምራል አሁን ከሚቀጥለው ሳምንት ጀምሮ ከ20 ዶላር ወደ 25 ስለሚወጣ በዝህ ሳምንት የምትገዙ ብቻ በዋጋው ታገኛላችሁ።

3.     በዚህ የሚሰጠው ትምህርት ከበድ የሚላችሁ ሰዎች በቫይበር፤በዋትስአፕና በኢሞ ለጀማሪዎች የሚሆን ትምህርት እየሰጠሁ ነው መከታተል ትችላላችሁ።

4.     ከአማዞን መጻሕፍቴን የምትገዙና የገዛችሁ ሰዎች ስለመጻሕፍቱና ስለአላላኩ ፍጥነትም ሆነ ስለጥራቱ አስተያየት ብትሰጡ መልካም ነው ምክንያቱም ለአውደ ጥናት ታላቅ አስተዋጽኦ ይኖረዋል። በተረፈ ሽር፤ላይክና ሰብስክራይብ ማድረግን አትርሱ።

በዛሬው ልሣነ ግእዝ የጋራ ቋንቋችን ክፍል 14 ትምህርታችን ስለ 8ቱ የንግግር ክፍሎች ነው የምንቀጥለው። ባለፈው በክፍል 13 8ቱ የንግግር ክፍሎች የሚባሉት የትኞቹ እንደሆኑ ስማቸውን እና የስማቸውን ትርጉም ባጭሩ ተመልክተን ነበር።

ዛሬም በመቀጠል ስምንቱን(8ቱን) የንግግር ክፍሎች በአንድ ዐረፍተ ነገር ውስጥ በማስገባት ማለትም በአጠቃቀም እንዴት እንደሚገቡ እናያለን ማለት ነው።  ስለዚህ የምታዩትን ምሣሌ በሚገባ ደጋግማችሁ መስማትና መመልከት ልምምድም ማድረግ ይጠበቅማችኋል።

ባለፈው ትምህርታችን እርማት አድርጌ ነበረ ማለትም 1ኛው እርማት (ዝርዝር ቅጽሎችና አገባብ የሚባሉትን ከስምንቱ የንግግር ክፍሎች ውስጥ አስገብቸ ቆጥሬ ነበረ ግን ራሳቸውን ችለው ሳይሆን “ዝርዝር ቅጽሎች” “ከተውላጠ ስሞች” ጋር የሚቆጠሩ ሲሆን “አገባብ” ደግሞ “ከመስተጻምርና ከመስተዋድድ” ውስጥ የሚቆጠሩ ናቸው። ሌላው 2ኛው እርማት ደግሞ  ከ8ቱ የንግግር ክፍሎች የሚቆጠሩት “መስተዋድድ” እና “መስተጻምር” የሚባሉት ተቆርጠው  ከቪዲዮው ውስጥ ሳይገቡ ስለቀሩ ነበር።

እንደገና ለማስታዎስ ያህል 8ት የንግግር ክፍሎች የሚባሉት የሚከተሉት ናቸው።

ስምንቱ የንግግር ክፍሎች/The Eight Parts of Speech

1.      ስም= ስም/Noun

2.     ተውላጠ = የስም ተለዋጭ/Pronoun

3.     አንቀጽ/ግሥ=ማሠሪያ አንቀጽ/Verb

4.     ተውሳከ ግሥ =የግሥ ረዳት/Adverb

5.     ቅጽል=ገላጭ/Adjective

6.     መስተዋድድ= አዛማጅ/Prepositions

7.     መስተጻምር=አያያዥ/Conjunctions

8.     ቃለ አጋኖ= የሚያጋንን/የሚያጎላ ቃል/Interjections

የዛሬው የክፍል አሥራ አራት ትምህርት 8ቱን የንግግር ክፍሎች በአንድ ዐረፍተ ነገር ውስጥ በማስገባት አጠቃቀማቸውን እና ስያሜያቸውን መመልከት ነው። በዚህ ትምህርታችን በአገራችን በኢትዮጵያ ውስጥ በቁመቱ ረጅሙ ሰው የሆነውን አቶ አሥራትን ለ8ቱ የንግግር ክፍሎች ማብራርያ ባዘጋጀሁት ዐረፍተ ነገር ውስጥ አስገብቸዋለሁ። አቶ አሥራትን ለምሣሌየ የተጠቀምኩበት ዋናው ምክንያት “ነዊኅ” የሚለውን ቅጽል ለማስረዳት ስል ነው። ነዊ ረጅም ማለት ነው። ትምህርትን ትኩረት በሚሰጥና አስደናቂ፤ አስገራሚ፤ ከተለመደው ነገር ልዩ የሆነ ነገርን ወይም ሁኔታን እንደ ምሣሌ በማቅረብ ስንማረው የማይረሳና በአእምሮ ተቀርጾ የሚቀር እንዲሆን ያደርጋል ስለዚህም ነው ታዋቂውን አሥራት ለግእዝ ትምህርታችን እንደምሳሌ የተጠቀምኩት።

“አሥራት ነዊኅ ሆረ ግብተ ኀበ አሜሪካ፤ ወውእቱ ይነብር ውስተ ትእይንተ ሲያትል” ወይም እንደ ሚከተለውም ማለት እንችላለን።= ረጅም አስራት ወደ አሜሪካ በድንገት ሄደ፤ እሱም በሲያትል ከተማ ይኖራል።

“ነዊኃ ነዊኃን አሥራት ሆረ ግብተ ኀበ አሜሪካ፤ ወውእቱ ይነብር በውስተ ትእይንተ ሲያትል” = ከረጅሞች ሁሉ የሚረዝም አሥራት በድንገት ወደ አሜሪካ ሄደ፤ በሲያትል ከተማም እየኖረ ነው /ይኖራል።

ልዑል አምላክ ማስተዋሉን ያድለን አሜን

ከአውደ ጥናት

በመ/ር መላኩ አስማማው ቢሰጠኝ