ታሪከ ፍልሰታ፣ ትንሣኤሃ ወእርገታ ለማርያም ድንግል

Filseta, Tinsaeha, we Ergeta Lemariam Dingle Belsane Geez 

ታሪከ ፍልሰታ፣ ትንሣኤሃ ወእርገታ ለማርያም ድንግል

ይህ በያመቱ የሚወጣው የታዋቂ ገጣምያን ግጥሞችን ያሰባሰበ ሲሆን በዚህ መጽሐፍ ውስጥ የእንግሊዘኛ ግጥሞቼ ታትመው ወጥተዋል።

Ring Video Doorbell with HD Video, Motion Activated Alerts, Easy Installation - Satin Nickel click to buy

by Ring     https://amzn.to/2E1be1L

Atomic Habits: An Easy & Proven Way to Build Good Habits & Break Bad Ones 

“ወብዙኃተ ካልኣተ ተአምራተ ገብረ እግዚእ ኢየሱስ በቅድመ አርዳኢሁ ዘኢተጽሕፈ ውስተ ዝንቱ መጽሐፍ” ወንጌለ ዮሐንስ 20፡ 30

“ወኵሉ መጽሐፍ ዘበ መንፈሰ እግዚአብሔር ተጽሕፈ ይበቁዕ ለኵሉ ትምህርት ወተግሣጽ ወአርትዖ ወጥበብ ወጽድቅ ከመ ይትገሠጽ ብእሴ እግዚአብሔር ውስተ ኵሉ ምግባረ ሠናይ” መልእክተ ጳውሎስ ካልእት ኀበ ጢሞቴዎስ ሣልሳይ ምዕራፍ ወኁልቍ ዐሠርቱ ወስድስቱ እስከነ ዐሠርቱ ወሰብአቱ።

ታሪከ ፍልሠተ ሥጋሃ ለማርያም ድንግል።

ቅድመ ኵሉ ነገር ይደልወነ ናእምር ትርጓሜሁ ለፍልሰት፤ ፍልሰት ብሂል ስደት፤አው ሑረት፤ ሶብ አሐዱ ነገር አው አካል ይሰደድ አው ይትወሰድ እምነ መካን ዘነበረ ቅድመ ኀበ ካልዕ ወሐዲስ መካን ንጸውኦ “ፍልሰት”

ወአመ ንቤ “ፍልሰታ” ንትናገር በይነ ፍልሰተ አሐቲ አንስታይ ፆታ፤ አላ ኢነአምር ዘመኑ ውእቱ ዝንቱ ፍልሰት፤ ኩለሔ ይደሉ ከመ ንጽሐፍ ከመ ዘይተሉ ዐረፍተ ነገር  “ፍልሰታ ለማርያም” አው ፍልሰተ ሥጋሃ ለማርያም” ዝንቱ ዐረፍተ ነገር ይነግረነ በይነ ፍልሰተ ሥጋሃ ለማርያም አው በእንተ ፍልሰታ ለማርያም፤ በይነ ፍልሰተ ሥጋሃ ለማርያም እምነ ብሔረ ሕያዋን ኀበ ጌቴ ሴማኒ።

በዝንቱ ትምህርትነ ነሐትት ወንትሜሀር በይነ ታሪከ ድንግል ማርያም፤ ወፆመ ሐዋርያት ቅዱሳን ወኀይለ ጸሎት ዘይጼለይ በእምነት ጽንእት እንተ አልባቲ ኑፋቄ። ዝንቱ ታሪክ ያርእየነ ከመ እግዚአብሔር ሰማኤ ስእለት ወተወካፌ ጸሎት ውእቱ፡

ጸሎት ብሂል ልሣነ አምላክ ወሰብእ እለ ይትናገሩ በበይናቲሆሙ፤ ወኵሉ ሰብእ ይደልዎ ከመ ይጼሊ ወትረ ኀበ አምላኩ እስመ አልቦቱ ሐብት፤ ጥኢና፤ ወሰላም እምኔሁ (እምነ ርእሱ) ። ወበእንተዝ ይደልዎ ይጤይቅ ኵሎ ነገረ እምነ አምላኩ። ንሕነሰ ነዳያን ወአልብነ ምንተ።

 አመ ነሐስስ ሰላመ ንጠይቅ ሰላመነ  እምኔሁ ወአመ ነሐምም  ንጠይቅ ጥኢናነ እምኔሁ፤ ወአመ ንርህብ ንጠይቅ እምኔሁ መብልአ፤ ወውእቱሰ ይሁበነ በፍቅር ኵሎ ዘነሐሥሥ።

በከመ ይቤሉ መጻሕፍተ ብሉያት ወክርስቶስ በወንጌሉ ኵሉ ሰብእ እመ ይጤይቅ አምላኮ እንዘ ይጼሊ እምልቡናሁ ምስለ አሚን ርትዕት ወጽንእት ይረክብ ዘየሐሥሥ ወዘይጤይቅ።

እግዚእነ ኢየሱስ ክርስቶስ ተካየደ ኪዳነ ምስሌነ ወምስለ ኵሎሙ ተላውያኒሁ ዘይስእለዎ አው ዘይጤይቅዎ በጸሎት ምስለ አሚን እንተ አልባቲ ነቅዕ።

ኦ ምእመናን! ነጽሩ ኀበ ዝንቱ ቃለ ክርስቶስ ዘተናገረ በወንጌለ ማቴዎስ በሳብዓይ ምዕራፍ ከመ ዘይተሉ።

“ሰአሉ ወይትወሀበክሙ ኅሡ ወትረክቡ፤ ጎድጉዱ ወይትረኀወክሙ እስመ ኵሉ ዘሰአለ ይነሥእ ወዘሂ ኀሠሠ ይረክብ ወለዘሂ ጎድጎደ ይትረኀዎ..” ማቴ 7፡7

ዝንቱ ውእቱ ቃለ ክርስቶስ ዘኢየሐልፍ ወንሕነ ነአምን ቦቱ ለእመ ንጼሊ በልቡና ንፁህ ወበአሚን ምሉእ ንክህል ከመ ናፍልስ ደብረ! ወአልቦ ነገር ዚኢይትከሐል በጸሎት።

ዝንቱ ውእቱ ምክንያተ ጾመ ሐዋርያት ወውእቶሙ የአምሩ ዘንተ ከመ እግዚአብሔር ይገብር ሎሙ እለ ይስእሉ እምኔሁ፤ ያጸምእ ጸሎቶሙ ወያወስእ ጥያቄሆሙ  ወበእንተዝ ጾሙ ከመ ይንስዑ ሥጋሃ ለማርያም ድንግል ዘሐሠሡ፤ እስመ እግዚአብሔር ተናገረ በመጻሕፍቲሁ በይነ ኃይለ ጸሎት ወእምነት።

ሐዋርያት ጾሙ ክልኤተ ሱባኤያተ አው አሠርተ ወአርባእተ ዕለታተ እንዘ ይዌጥኑ እም አመ አሚሩ ለነሐሴ እስከነ አሠርቱ ወአርባእቱ ለነሐሴ. ወአመ ፈጸሙ ሐዋርያት ሱባኤሆሙ አቀበ እግዚአብሔር ቃሎ ዘተናገረ ወተወክፈ ጸሎቶሙ ለሐዋርያቲሁ ወወሀቦሙ  ሥጋሃ ለማርያም ድንግል ዘይሐሥሡ፤ ወሐዋርያት አእረፉ ሥጋ በክብር በጌቴ ሴማኒ ወበ ሰሉስ ዕለት ተንሥአት ከመ ትንሣኤ ወልዳ ወአርገት ከማሁ መንገለ ሰማይ በክብር። 

ወናሁ እነግረክሙ በይነ ዕድሜሃ ወሕይወታ ለማርያም ድንግል እመ አምላክ በዝንቱ ዓለም፤ እግዝእተነ ማርያም ተጸንሠት አመ ሰብኡ ለነሐሴ እምነ አቡሃ ኢያቄም ወእማ ሐና፤ ወተወልደት  አመ አሚሩ ለግንቦት በሐምሣ ወአርባዕቱ ምዕት ሰማንያ ወስድስቱ ዓ/ዓ ።

 አምጣነ ይእቲ ተወልደት በስእለት ወበእንተዝ አመ ኮና ሠለስተ ዓመታ አቡሃ ወእማ ወሰድዋ ኀበ ቤተ መቅደስ አመ ሰሉሱ ለታህሣስ ለትትለአክ በቤተ እግዚአብሔር ከመ ይፈጽሙ  ቃሎሙ ዘተናገሩ እምቅድመ ይለዱ ኪያሃ።

 ወማርያም ድንግል ነበረት አሠርተ ወክልኤተ ዓመታተ እንዘ ይናዝዝዋ መላእክት ወትትልአክ በቤተ መቅደስ በከመ ይቤ መጽሐፍ ወእንዘ ትፈትል ወርቀ ወሜላተ። በከመ ተጽሕፈ በወንጌል አብሠራ መልአክ ዘስሙ ገብርኤል በከመ ተሐርየት ወተሌለየት እምነ ኵሎን አንስት ዘደቂቀ አዳም ከመ ይትወለድ እምኔሃ አምላክ በሥጋ ከመ ያድኅን ደቂቀ አዳም እምኃጢአቶሙ።

እግዝእትነ ማርያም ነበረት በቤተ መቅደስ እስከነ በጽሐት መጠነ አንስት ወሶበ ልሕቀት  ወኮና አሠርተ ወሐምስተ ዓመተ ተጋብዑ ካህናተ ቤተ መቅደስ ከመ ይጠይቁ ፈቃደ እግዚአብሔር ወይርከቡ ላቲ አቃቤ  ወበ ፈቃደ እግዚአብሔር ረከቡ በከመ ተመነዩ ወተውህበት  ለዮሴፍ አምጣነ በጽሆ ዕፃ ከመ ይዕቀባ ወነበረት በቤተ ዚአሁ ተሠዐተ አውርሃ ወሐምስተ ዕለተ።

ወበጽሐ ጊዜ ወሊዶታ ሖረት ኀበ ቤተልሔም ምስለ ዮሴፍ፤ ወሰሎሜ ከመ ይጸሐፉ በትዕዛዘ ንጉሥ በበ ሐገሮሙ ወነበሩ በህየ እስከነ ወለደት ወልደ ዘበኵራ በውስተ ጎለ እንሥሳ ዘቦ በቤተልሔም።

ወበከመ ይቤ ወንጌል ተውህበት ለፍቁረ እግዚእ ዮሐንስ እንዘ ሀሎ ክርስቶስ በዕፀ መስቀል ከመ ትኩን እመ ኵልነ ወንኵን ንሕነ ደቂቀ ዚአሃ በቃለ ክርስቶስ “ነዋ ወልድኪ ወነያ እምከ” ወነበረት አሠርተ ወሐምስተ ዓመታተ በቤተ ዮሐንስ፤ ወአመ ኮነ ዕድሜሃ ስድሳ ወአርባእቱ ዓመታተ፤ አመ ዕሥራ ወአሚሩ ለጥር በዐርብዓ ወሰመንቱ ዓመተ ምሕረት አዕረፈት እምዝንቱ ዓለም፤ በከመ ተጽሕፈ በመጻሕፍት ወመላእክት አእረፉ ሥጋሃ በብሔረ ሕያዋን በታሕተ ሥርወ ዕፀ ሕይወት እስከነ አሠርቱ ወአርባዕቱ ለነሐሴ።

ከመ ነበብኩክሙ በማዕከለ ዝንቱ ትምህርት ወሶበ ፈጸሙ ሐዋርያት ክልኤተ ሱባኤያተ እስከነ  አሠርቱ ወአርባእቱ ለነሐሴ  ተወክፉ ሥጋሃ ዘሐሰሱ በጸሎት ወአእረፍዎ ለሥጋሃ በጌቴ ሴማኒ ወበሳልስት ዕለት ተንሥአት ወአርገት ከመ ወልዳ ዋሕድ።

ወበእንተዝ ናከብር በዛቲ ዕለት ሠለስተ በአላቲሃ ለማርያም ዘይሰመያ ፍልሰተ ሥጋሃ፤ ዕርገታ ወትንሣኤሃ ። አበው ወአኃት በዝንቱ ጾም ረከቡ ሐዋርያት ዘሐሰሱ ወዘ ተመነዩ፤ እምነ አምላኮሙ፤ ወበእንተዝ ይደልወነ ንጤይቅ ርእሰነ ወንሕትት ግብራቲነ፤ ኵለሄ ንጸውም ወንጼሊ አላ ኢይሰምአነ እግዚአብሔር፤ ወኢንረክብ ዘነሐስሦ፤ ኢይመይጥ እግዚአብሔር እዝነ ምሕረቱ ኀበ ጽራህነ፤ ወኀበ ጸሎትነ።

በከመ ይቤ በመጻሕፍት “ስማይ ወምድር የሐልፍ ወቃልየሰ ኢየሐልፍ” ኢይዌልጥ እግዚአብሄር ቃሎ ዘተናገረ ወውእቱ ወሀበነ ቃሎ  እንዘ ይብል  “ሰአሉ ወይትወሀበክሙ፤ ጠይቁ ወትረክቡ፤ ጎድጉዱ ሆኃተ ወይትረኀው ለክሙ” አላ ለምንት ኢንረክብ ንሕነ ዘንስእል?  ወለምንት ኢይትወሀበነ ዘንጤይቅ? ወኢይትረኀው ለነ ኆኃተ ምሕረቱ? አብያተ ዚአየ ወምክንያቱሰ ቀሊል ወሐጺር! ጾምነ ወጸሎትነ አኮ ከመ ጾም ወጸሎት ዘያሠምሮ ለእግዚአብሔር፤ ወበእንተዝ ንነስህ ወንእመን ከመ አበስኖ ለአምላክነ ወንትመየጥ ኀበ ምግባረ ሠናይ ወናርትዕ ፍኖተነ ምስሌሁ።

ወስብሐት ለእግዚአብሔር አምላክነ በይነ ዘአብጸሐነ እስከ ዛቲ ሰዓት አቂቦ በምሕረቱ፤፡

ጸሎታ ወበረከታ ለእግዝእትነ ማርያም ድንግል ወላዲተ አምላክ ይህድር በላእሌነ